منتدى و مجالس د يوان الطر قي
مرحبا بك زائرنا الكريم نحن سعداء بوصولك للمنتدانا ونسعد بانظمامك معنا

صفحه خاصه لشاعر فهد سويلم النصافي

استعرض الموضوع السابق استعرض الموضوع التالي اذهب الى الأسفل

صفحه خاصه لشاعر فهد سويلم النصافي

مُساهمة من طرف مطرالطرقي في الجمعة فبراير 07, 2014 7:17 am

فهد

سلام الله على الاصحاب وأرده على دلان
عددمالاح برق الغيم لاهلت مراويحه

قرينا بالجزيره ياصحيبي كان ياما كان
هذا وضع العرب مايصلح إلا بعد تصحيحه

دلان مساعد

الايامرحبابك والحضور احضور بالامكان
عدد ماهلل المسلم بتكبيره وتسبيحه
انا وياك والرايه عليها المسلمين اخوان
ووضع الناس يابن الناس عدوان ٍ وشبيحه

فهد
ترى الدعوى قريبه لاتعاين من ورى عمان
يقولون السرى مايمدح إلا عقب تصبيحه

لقينا جدتك ياصاحبي جابت لها غلمان
وأشوف الضان ضايع عقب ماضاعت سواريحه

دلان

معك قدام والعالم يقولون الكريم امعان
هذا حال ٍ قديم ٍ بين تلويعه و تجريحه
وانا اعرفك واعرف اللي يسمى طير ابن برمان
وطير ٍ مايجملنا خساره فيه تلويحه

فهد


مدامك ماانت قد ٍ للمهمه خلها لفلان
لوإنك يالمعنى مروحٍ من ريحته ريحه

أجل بالناس يوجد غير عميان النظر عميان
بوسط الوادي اللي مانبت عشبه ولاشيحه

دلان

اشوفك شاعر ٍ غنيت لافاضي ولا مليان
وقلنا جعل صياف السحيمي ربنا يبيحه

انا شفتك تبيها بالجبل مير الله الغفران
مصيبه وان تكلمنا عليكم جات بفضيحه !

فهد

أنا مالي دخل ياصاحبي بالثاوي المرضان
سبحت البحر الاحمرقبل لاتكبر سوابيحه
مدام إنك تحب العافيه قدها بغيرعنان
تصبر بالزمان الشين لوكثرت سواميحه

دلان

تقوله مير ماشفتك على ماقيل بالميدان
رجل يوم الرجال اكثار في زين ٍ وتلميحه
الا ياطاش ياماطاش ياناصر مع السدحان
وفلم والفلم يحتاج له تعديله وتصليحه

فهد

يعرفوني رجال العرف وأنت تباري الدخان
لكن إنشد لياجيت العريبي وإخذ تصريحه
حزامك به نقيضٍ منتهي مايذبح العدوان
وأنا عارف سلاتيح البلد وأعرف طحاطيحه

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه خاصه لشاعر فهد سويلم النصافي

مُساهمة من طرف مطرالطرقي في الأربعاء فبراير 12, 2014 8:35 pm

فهد

يقولون من يفرح على طاري الموت
نحسبه حقيقه وأصبح العلم ضنا

مدامك تدور لقمة العيش والقوت
عسى الله يكسر حاجز الصد عنا

مخلد

اظن الشماتة مابها قلب مبخوت
يموت الغني معه الفقير المعنى
ترى الناس حولك ودها تلبس بشوت
وتفرح برزق من السما في وطنا ..
ههههه

فهيد


انا مالك ملكي ولا احتاج ريموت
لكن لاتكرر كل اشاعات عنا
عطيناك لقمة عيش وأوراق وبيوت
وش اللي تبي في ملكنا ذا وطنا

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه خاصه لشاعر فهد سويلم النصافي

مُساهمة من طرف مطرالطرقي في الإثنين مارس 03, 2014 5:58 am

فهد

المديرإختلف رايه وخربت علومه
مايميز هماج الماء وشرب القراحي

حايمٍ غير حوم الطير وشلون حومه
من عرف حومته مادام ماله جناحي

مطر
المخضرم توالي الوقت وشفيه قومه
الغنيمه ماهي مثل الغنم لا تاحي

هيد هيد وكلن قيل يقضي لزومه
ان بغيت الصحيحه مالك الا الصحاحي

فهد
قبل له شان مير اليوم ماأحدٍ يسومه
شايفٍ شي ماينشاف والصبح صاحي

الزمان إنتحى به والبلاد محكومه
مايضره هجاد ولايضره صباحي

سعيد
طالبك يافهد تكفا مطر لاتلومه
رجل يبغى الصلاح ولاحصله صلاحي
كل ماشاش راسه ثم شمر كمومه
انتبه في يدينه لان ماله سلاحي

مطر
قبل واللحين لي شانء تعدي نجومه
!
ضاريء للحروب وضاريء للكفاحي

البلاد محكومه قيل والعز قومه
!
وانت لو رحت عني مالك مراحي

فهد
مانسينا كفاحك والوجيه محشومه
تلعق الصبر مير الصبر سمٍ ذحاحي


كان ردت لحاجات الزمان ولزومه
شايلٍ منك هم وشايفٍ بك فلاحي

مطر
مادرينا عن اللي قام يحشد هجومه
!
ماب روس الافاعي غير هاك الفحاحي

القدر راضيءبه ورض به قبل يومه
!
مير خلك سموح ون بغيت السماحي


فهد
ساري الليلة الظلما مضيع يمومه
والسوالف بعضها مثل زرق الرماحي

كل حالم يسولف ماحلم عقب نومه
والرجال البخيصه سرها مايباحي

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه خاصه لشاعر فهد سويلم النصافي

مُساهمة من طرف مطرالطرقي في الخميس مارس 06, 2014 5:06 am

فهد السويلم :

يامرحبا وأهل القروب اليوم قاموا ينقصون
ثنين راحوا مابقى بقروبنا غير أربعه
شيبانهم ياطيبهم وعيالهم ماينفعون
خربت مذاهبهم وصار الوضع قيسه وإربعه

سعيد سعود
فيك البقاء والعلم واضح وانت جعلك ماتهون
ترحيبةٍ طيب وفاء تكشف سواد الاقنعة
تنظر بعينك للعرب وايضا العرب معها عيون
باحت سدودك يافهد من ضيق والا من سعة

فهيد
فيك البقا حييت والعالم يجون ويذهبون
واللي تعب منهم على الثنتين يمشي باربعه
مامن غياب اصحاب وأكثرهم روابعهم سكون
واللعب حكم وصن وابدأ اللعب باكه واربعه
مخلد

فيك البقا واهل القروب اكبرهم اطغاهم لحون
الفقر فبيوته ولا جا بيت غيره يشبعه
يالعسكري والانقلاب اللي رضيته مايهون
حنا شرهنا شرهتين وشمل الاخوان تجمعه

فهد

إرفق على نفسك وهد الوضع كان إنك زبون
وأقر الجرايد وإسمع الاخبار والقاف إتبعه
يابو سنونٍ ست طاح ثنين ياشين السنون
ياللي رحاتك ماتسرك والسنون مقربعه

أحمد
فيك البقى عن ربعي الحضار والي غايبون
الي مثل قوتك من جذعه ترانا نشلعه
هههههههااااي
انا فاهمك ابو.عبدالمجيد
هاذي الردود

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه خاصه لشاعر فهد سويلم النصافي

مُساهمة من طرف مطرالطرقي في الجمعة مارس 07, 2014 3:08 pm

فهد السويلم :
بارب لاتقطع عن الارض القطر
ولاتتكل المسلم فزعة قطر
دام العلوم صغار مانفطن لها
يالعقرب اللي سمها بذنيبها

مخلد الخلف :
لا يالنصافي وش على بالك خطر
تخاف من شي=وهم مامن خطر
عمتك ما انته ذايق= نفط=لها
بعض السوالف صعب احط أذني بها

فهد السويلم :
السالفه ماهي كلامٍ بالهواء
مادام نفسك تابعه درب الهوى
مادام لي السم منعفطٍ لها
ضحكتك مايحتاج تنقذني بها

مخلد الخلف :
تسمع طرف واحد ولاتسمع طرف
بعض السوالف من ظريفات الطرف
ذيك الغصون الخير يبقى فطلها
وذي مدرستك ولا تتلمذني بها

فهد السويلم :
زرعت لك موزه وخربت نيتك
لكن أنا قاري على جنيتك
مطراشها لاسافرت قفطٍ لها
يارب كلماتك تعوذني بها

مخلد الخلف :
وشجبت لاهل الشور لاتنسى بعد
كم مثلها موجودة ماحدن بعد
ياطيبكم طيباه في سفط= لها
اواخذك مادام تاخذني بها

فهد السويلم :
عطوك جنسيه وراحوا منثنين
ماغير لك خمسه وواحد مع ثنين
لكن ركب مروحة شفطٍ لها
لاجتك كلمه لا تلوذني بها

مخلد الخلف :
شفنا جنود مساوية رتبة عقيد
مانت بتاع احرار وانت بتاع قيد
تطل عينك مير عود فطلها
لاتذنب ونفسك كثر تذنيبها

فهد السويلم :
ياصاحبي مخلد تبسم بالعذاب
ترئ بيوت الشعر باطنها عذاب
كلمتك تغفطها علئ غفطٍ لها
والسالفه لاعاد تنبذني بها

مخلد الخلف :
عليك اشد من الجمر يومك تمر
تمشي بهون وتحسب العلقم تمر
لاتنعفط واياك من عفط اللها
والكلمة الحلوة تحبذني بها

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه خاصه لشاعر فهد سويلم النصافي

مُساهمة من طرف مطرالطرقي في الأحد مارس 09, 2014 8:36 am

فهد سويلم

إنتحى الليل والدنيا عريضه طويله والمسافه بعيده
من يبي يعرف المعنى بشكله ولونه يحتزم بالحزامي
فارس الخيل شد السرج فوق الاصيله
بالعلوم الاكيده
كم رجلٍ لياشاف الخطر رد دونه والضوامي حيامي

أحمد جابر

ادبل الكيل والدعوه تراها سهيله
والسوالف قصيده
من يثمن كلامه يافهد مايخونه
بالعدل و النظامي

اترك القيل يارع العلوم الثقيله
والعلوم السديده
ماعليه مخافه لو يطير عيونه
ياجمل لك خطامي

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه خاصه لشاعر فهد سويلم النصافي

مُساهمة من طرف مطرالطرقي في الأحد مارس 09, 2014 8:40 am

فهد سويلم


مايصلح الكوفي الا مع هل الكوفه
مواسم الدين لايمكن يخليها
بعض السوالف تجي بالحيل معكوفه
حروفها يدخل أولها بتاليها


سعيد سعووووود

ملقوف لكن تعرض ناس ملقوفه
الا صلاته مع المذن يصليها
يامدورٍ لسنع والناس ملهوفه
كلٍ معه قربةٍ بالحكي ماليها


فهد سويلم


وشرايك إنا نحط الحبل بكتوفه
حتى يميز مرارتها وحاليها

الظاهر إن الاوادم حيل مشعوفه
وانحط تحتيها من فوق عاليها

سعيد سعود


الحبل ما فاد به يامبعد الشوفه
لكن عليك بعصا ناس متوليها
الناس صارت تحب اكلات مكشوفة
من ذاقها مات كن الله باليها

فهد سويلم


أكل المساكين كلن حسب مصروفه
واللي يسولف على نفسه يسليها

يامرتع البدو ماحلا نبت قفقوفه
مفرق أهل الغوالي من غواليها


سعيد سعوووود

كنت احسب انك معي ياباني الطوفة
لكن خليتها بأتلا لياليها
مايقرب المعركة شخصٍ دخل جوفه
ذرة من الخوف يزبن في مفاليها

فهد سويلم

بنيتها بالحجر قبه ومسقوفه
أنا يمين البلد وأنته شماليها

الخوف لضعّيفٍ يدخل بسرجوفه
المعركه عقب ماراحت يتوليها

سعيد سعود

زرعت لك وردةٍ واصبحت مقطوفه
ياسارق الورد رجعها لأهاليها
ماراح منها عساها منك مخلوفه
لو كان مامن طمع ياأكبر معاليها

فهد سويلم
حلالي اللي معي من دونه سيوفه
والكلمة المخطيه لاعاد تدليها

يالشاعر اللي تشوف الدرب وتطوفه
إترك صلاة الملالي مع ملاليها


سعيد سعود

كلٍ معه مال بس من يكرم ضيوفه
سيفك طعن والمقابر لا يمليها !
ماطفت انا الدرب بس الشمس مكسوفة
ماني موالي لناس انته مواليها

فهد
الجمه اللي بوسط البير مغروفه
واللي مهي حاليه ماني محليها

وانته موالي لشيبٍ طالت زلوفه
يفطر على لقمة الخبزه ويقليها

سعيد
تلوح في عين وأخرى شبه مكفوفه
ضاعت رعيتك وأثر الذيب مجليها
لكن راحت سوات الحلم وطيوفه
ياصادق احساسها فكرك معليها

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه خاصه لشاعر فهد سويلم النصافي

مُساهمة من طرف مطرالطرقي في الثلاثاء مارس 18, 2014 7:04 pm

فهد النصافي:
سلام مني على بن سنيدوالمعنى معاذير
والكلمه الطيبه ترجع على منهو كتبها

إشرب وصدر على هداج دام الدلو بالبير
من يستر صبي عين الادمي لولا هدبها

عبدالله الماجدي :
يامرحبا والمعاني بالسرا للذيب والطير
والطيبه بين خلق الله ترى للي كسبها

لن كنت تاجر بعد بكره نبا صرف الدنانير
وشلون توصي يدينن طايله تعرف شببها

فهد النصافي:
دام البقا والسوالف بعضها يحتاج تبرير
وشعيل رجليه كلت عقب بيدنا عصبها

حنا ليا شابت القيفان شكلنا طوابير
وليا دخلنا جموع الترك فرقنا شعبها

عبدالله الماجدي:
بعض السوالف لها مغزا بعيده بالمغاتير
لكن لـ شعيل ناقه يالنصافي من حلبها ؟

يوم الاميرَ مدحكم يافهد وانتم شواعير
وحنا ترانا نسد اللازمه للي حسبها

فهد النصافي :
نبي نعدل عليك الحمل والدعوى تياسير
والا فلسطين محتله ولا سرت عربها

ليا كتبنا لك الوصفات سجلنا تقارير
والكلمة اللي تدور بخاطرك قلها وجبها

عبدالله الماجدي :
انا معدل عضودي يافهد بين المناعير
ارسل هل الشام للصواغ لا ينفد ذهبها

ماني بمعتاز نشادن يدورَ له خواوير
وانا نديمٍ يهج الشارده واللي قضبها

فهد النصافي
اللي يمر الاشاعه مايعود إلا بتصوير
واللي هدومه بجنب النار لايامن لهبها

وأبو يدينٍ كريمه مايحسب للمخاسير
مايحذف الشجرة الخضراء وياكل من رطبها

عبدالله الماجدي :
صاير مخضرم ؟ على الاجواد والدنيا مشاوير
وانا بمر الحفر يالين هاذي تكتتبها

وابو عيونٍ وسيعه لو يشوف اهل المظاهير
يمكن يلاحي حروف الـ واحدن معنى شطبها

فهد النصافي :
إن جيت يم الحفر تاخذ معي دورة مغاوير
والزمل تمشي ورى الجمال لامنه ندبها

البير لاصار به بترول له مصفي وتكرير
لكن فتش عن الخزنه ودوّر من نهبها
لكن فتش على الخزنه ودور من نهبها

عبدالله الماجدي :
تقولها والعوارف مايضدون المقادير
بالمجلس العامر المعمور دعواك احتطبها

/

مافتشَ الصره اللي مالها دبره وتدبير
وام الكباير زبون الطايله راح يخطبها

فهد النصافي :
ليا غسلنا الجنايز مابلشنا بالحوافير
واللي بضهر السفينه مايكسّر من حطبها

السالفه هينه ماعاد ينقصها تفاسير
وشخانت اللحيه اللي مايجملها شنبها

عبدالله الماجدي:
اغسل يدينك ليا شفت الصحن فوقه دعاثير
القافيه شرهتي ياصاحبي للي هذبها
استلمها ي ريس

صـًح لسان الشعراء
فهد النصافي وعبدالله الماجدي

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى