منتدى و مجالس د يوان الطر قي
مرحبا بك زائرنا الكريم نحن سعداء بوصولك للمنتدانا ونسعد بانظمامك معنا

محاوره بين الشاعرين صالح خريص الحربي والشاعر مطر الطرقي الجميلي

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

محاوره بين الشاعرين صالح خريص الحربي والشاعر مطر الطرقي الجميلي

مُساهمة من طرف مطرالطرقي في الثلاثاء مارس 14, 2017 3:11 pm

صالح خريص الحربي

جابك الله في يدي يالبعير الغادي
والعصا والقيد في عهدتي ماجوده
متعب " رجلي وراك ومتعب النشادي
مابقى الا ناخذ السيف والباروده

مطر ال طرقي الجميلي

ان حصلك شر ف اعرف تراك البادي
كلمتي ي خريص هاذي ترا ماكوده
انتهج درب العرب مع طريق الهادي
وكل حجه باطله ياولد مردوده

صالح خريص الحربي

ساكن " في ديرتي والبلاد بلادي
مير ادور حاجه " من سنه مفقوده
وانت تحداني عن الصيد وسط الوادي
مير لا تبلش مع العالم المقروده

مطر ال طرقي الجميلي

ما انكرنا الملح لوك نكرت الزادي
وكلنا شعار هذا المكان نروده
مالي بحربك ولا تنشغل بجهادي
المعاني مسبله كل عرف حدوده

صالح خريص الحربي

انت مسلم بس عندك قشر وعنادي
صرت مثل الذيب لاونس صلا العبروده
روح يم الديره اللي وراكم غادي
وشتبا بالمسلم اللي يدور ذوده

مطر ال طرقي الجميلي

انت مومن متقي والسيوف جدادي
احمد الله دام جاورتنا بساموده
ذي بلادي من زمن عاد ابن شداي
وانت خلك فالمدينه لا تاصل سوده

صالح خريص الحربي

لو تبانا نشتري لك جمل وشدادي
مير خلك يالسنافي بها الصاهوده
ولو تفوت الشاذليه يجي البرادي
وعنتر اللي مات ماحصلوا مقصوده

مطر ال طرقي الجميلي

بارك الله فيك خيرك ي جعله زادي
المعاني مكرمه مالحقنا فوده
نتلاحق من لبنكم على الميعادي
كان ماهبت وشحت نسايم نوده

صح الله لسانك وصح الله ابدانك

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى