منتدى و مجالس د يوان الطر قي
مرحبا بك زائرنا الكريم نحن سعداء بوصولك للمنتدانا ونسعد بانظمامك معنا

صفحه لشاعر خالــــد الـــهـــــــزيمي

استعرض الموضوع السابق استعرض الموضوع التالي اذهب الى الأسفل

صفحه لشاعر خالــــد الـــهـــــــزيمي

مُساهمة من طرف مطرالطرقي في الأربعاء ديسمبر 07, 2016 7:47 am

خالد الهزيمي

سلام لـ ابن طرقي الشاعر الذيب
شاعر تفاخر به كبار ( القبيله )

عطني علومك دام علمك على الطيب
وهات العلوم وهات معها الدليله

مطر الطرقي

ي مرحبا بك ي صحيبي بترحيب
يصعب بعد مثله تحصل بد يله

العز لك محسوب بين الاصاحيب
وكل على علمه يورد صميله

خالد الهزيمي

فيك البقا والريح والمسك والطيب
والحر يرقـا فوق روس الطويله

بان البياض ابلحيتك بين الشيب
من طيب كفك بالوفا والثقيله

مطر ال طرقي

العله اللي ما تودا الاطابيب
يا خالد النشمي وصوفكـ جزيله

الشيب ماهو عيب والشايب ايطيب
تتله اعروق ٍ دفينه وا أصيله

خالد الهزيمي

اقفيت يابن طرقي ويا الرعابيب
ضحكـه معا ساره ومره الجليله

ياخذبك التفكيـر شرقن وتغريب
يالشايب اللي فاح بنه وهيلـه

ابن طرقي

ياللي لفيت الليل يلزمك ترتيب
اللي معه حيله يحب الجميله

همي على الطالات والشمخ النيب
خل الغناوي ما تجي له حليله

خالد الهزيمي

لك عين تنظر في علو المراقيب
ترا غزالك صيدته. ( مستحيله )

وصوك شيبانك بحرش العراقيب
خل الامور وخل عنك الوسيله

ابن طرقي

ترا الجمل ماينجلب للقصاصيب
اهديتها لك والنصايح قليله

مثلي عريب الجد والصيت لصليب
اللي عنالي يلزم اليا اعنيله

خالد الهزيمي

اخترت من بدعي جميل الاساليب
وحبكت قافي مثل وبل المخيله

يشهد لك الاقراب قبل الاجانيـب
وجدك من اول هو يسوق الكحيله

ابن طرقي

افنيت عمري وتداراك ي شعيب
ما تستوي يد الكرام بخيله

اغداكم الترويغ والعز ترغيب
والعد يلقا له رسوم ونثيله

خالد الهزيمي

افنيت عمرك ماتدور مكاسيب
يدك لامدت ماتجيب الهزيله

بارودكم دايم مايخطي ترا يصيب
سمان القصيد وهرج مافي مثيله

مطر ال طرقي

ترا العرب تحتاج مرات تنقيب
ومرات تكره ما تود الفصيله

وانته حصان ولا تهاب المناصيب
والذيب تالي ي الهزيمي هويله

صح الله لسانكـ وصح الله ابدانكــ

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه لشاعر خالــــد الـــهـــــــزيمي

مُساهمة من طرف مطرالطرقي في السبت يناير 14, 2017 8:47 am

‏ ونعم ياعواض بالطيب معدنك
‏ترى الحرار من الطيور امعروفه

‏⁧‫#خالد‬⁩

‏ياخالد انته للمراجل ترى بنك
‏والحر يعرف ياولد من وصوفه

‏⁧‫#عواض_المهيا‬⁩

‏انشهد ان اللي تحطه على ايمنك
‏مثلك شجيع ويشكرونه اضيوفه

‏⁧‫#خالد‬⁩

‏من صكته دنياه يالقرم يزبنك
‏لياباربه وقته وبانت ضروفه

‏⁧‫#عواض_المهيا‬⁩

‏تستاهل التقدير والشكر ولانك
‏تدعي له بدعوه بحجم امعروفه

‏⁧‫#خالد‬⁩

‏من جاء بصدره علم لسر يامنك
‏ويرقد هنين لو سباعه تحوفه

‏⁧‫#عواض_المهيا‬⁩

‏يازين قافي وانت يالذيب مازينك
‏مفراص قاف وطاب قافٍ تشوفه

‏⁧‫#خالد‬⁩

‏نعرف ضيوف الليل ماجنبو عنك
‏تلقى قعودٍ فالصحن مع خروفه

‏⁧‫#عواض_المهيا‬⁩

‏مرحوم ياذيبٍ على الضيم والضنك
‏تقفي بحلال الناس هذي حسوفه

‏⁧‫#خالد‬⁩

‏هذي شهاده جاتله ياولد منك
‏قفتبه. الدنيا وبقيت سيوفه

‏⁧‫#عواض_المهيا‬⁩

‏الشطر الاول خاطره طيبٍ منك
‏وشطرك ترا الثاني تراعد صفوفه

‏⁧‫#خالد‬⁩

‏اللي عطاك اجنيه مايطلب افرنك
‏والصف ليا جينا يطول وقوفه

‏⁧‫#عواض_المهيا‬⁩

‏ياذيب حنا وسط غاره بندفنك
‏واللي يبا السيه ترا ما نشوفه

‏⁧‫#خالد‬⁩

‏ياذيب لو غادرت ترجع لموطنك
‏ولا بد من مغزناٍ بعده النكوفه

‏⁧‫#عواض_المهيا

يتم حفظها في منتدى ومجالس ديوان الطرقي ب صفحة الشاعر خالد الهزيمي سوف ارسل لك الرابط بعد حفظهااااا

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحه لشاعر خالــــد الـــهـــــــزيمي

مُساهمة من طرف مطرالطرقي في الإثنين يناير 16, 2017 10:33 am

‏سلام والدعوى على مخلب الطير تسليمتن مثل الذهب ومحمودي
‏الليله الليله نبيها دنانير
‏ماعاد ينفعنا الريال السعودي
‏⁧‫#سطام‬⁩
‏يامرحبا ترحيبةٍ كنها النير
‏ل الشاعر اللي من سلايل اسودي

‏لاتختلف لو صار فيها تدابير
‏والحر سعره مرتفع بالنقودي
‏⁧‫#خالد‬⁩
‏دام البقا بك يازبون المخاسير
‏يالشاعر اللي مايخون العهودي
‏بين النفل رقروقها والنواوير
‏والطيب اللي في زمانه يجودي

‏⁧‫#سطام‬⁩

‏اكفوفنا ما تجمعه .. للمناعير
‏ياشاعرٍ تشبه حلايا " القرودي

‏الحر يفرق يارفيقي عن الجير
‏نتعب على نقلة اصيلٍ جرودي

‏⁧‫#خالد‬⁩
‏على حسب مايفهمون المساطير
‏ترا النزول اخير منه الصعودي
‏بيني وبينك وردها والمصادير
‏والرابح اللي ما يخاوي حسودي
‏⁧‫#سطام‬⁩

‏نفهم بيوت الشعر من دون تفسير
‏ارنب وطاحت بين يد ( الفهودي )

‏ركز على دربك اضن فيه .. تكسير
‏واسمك رواق البيت وارق السنودي

‏⁧‫#خالد‬⁩
‏انا احمد الله كلبوها معاشير
‏ الله يسمح درب ذاك القعودي
‏والحايل اللي طيرتها الجماهير
‏ تلقح هوا من غير نقصن وزودي
‏⁧‫#سطام‬⁩

‏القسمه اللي جاتكم والمقادير
‏ارض بنصيبك كان تبغا الرعودي

‏اشعيل يسرح مع هذيك " المغاتير"
‏قدام ذودك والمعزب .. شهودي

‏⁧‫#خالد‬⁩
‏مشهور قلي ياعساها شخاتير
‏من روضة الهباس لقصى النفودي
‏يمكن نجيهم من حساب المسايير
‏واللي مضى مشهور صعبه يعودي
‏⁧‫#سطام‬⁩

‏مشهور علمه دايمٍ بالتصاوير
‏اموثقه عن قولتن ما يجودي

‏مناكبه تعجب جميع الصقاقير
‏دايم على الصيده يصيد الطرودي

‏⁧‫#خالد‬⁩
‏بين الحباري واشقر الريش تعبير
‏عشق ولع مابيحت لي سدودي
‏يازين نتفت قذلة الخرب ياطير
‏الله من الربطه يحل العقودي
‏⁧‫#سطام‬⁩

‏حبه بقلبي مثل حب الغنادير
‏مير القدر ياصاحبي مايعودي

‏اقفى وروح يارفيقي كما الزير
‏ودمع المفارق في عيوني وقودي

‏⁧‫#خالد‬⁩

‏اشملنا ياضلع الابيتر مدابير
‏والطير روح بين ذيك الخدودي
‏من شعبتك يانصاب رحنا محادير
‏سلم على الطرقي وعطنا الردودي

‏⁧‫#سطام‬⁩

‏يامرحبا واعداد ما وزع الخير
‏ب ارض السعودي مع هذيك الحدودي

‏ان جيتنا تلقى دلالٍ " مباهير
‏واذبح على جيتك خمسة فرودي

‏⁧‫#خالد‬⁩
‏مرحبن باقي فدوك المعاثير
‏عساك دايم ياخوي فالوجودي
‏العود الازرق فاح وسط المباخير
‏كفو كفو واختامها دهن عودي
‏⁧‫#سطام‬⁩
‏عسا الولي يحفظ علينا القوارير
‏اللي لهن وسط المحاني عدودي

‏من دونهن والله نحتاج " تنوير
‏ضف الشطر ان كان تبغا العضودي
‏⁧‫#خالد

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى