منتدى و مجالس د يوان الطر قي
مرحبا بك زائرنا الكريم نحن سعداء بوصولك للمنتدانا ونسعد بانظمامك معنا

صفحة الشاعر / نواف محمد البذالي

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

صفحة الشاعر / نواف محمد البذالي

مُساهمة من طرف مطرالطرقي في الأربعاء أكتوبر 28, 2015 7:43 pm

نواف البذالي


سلام ياخذ مع الراوي حديث الرواه
ولا كل عالم يجيب العلم من عالمه


اللي يدور عن اللي تحت حيد الصفاه
ماعاد يمدي يديه اتعود له سالمه

علي الرويعي

يامرحبا بالمسلم عد نو بسماه
افكارنا واعيه ماقيل هي حالمه

الله خالق لنا الكل عنده صفاه
احدن يوفي سلومه واحد نقص سالمه

نواف البذالي


دام البقى واللسان الطلق محلا نباه
لا صار ماهو بينطق هرجتن ظالمه


قريت خط الكتاب وخابرن وش وراه
مدري علام العرب ماهيب متفاهمه

علي الرويعي

هات الدعاوي وانا اشوفك بكل أتجاه
مدامها امراسله مدامها امكالمه

الخط خله يابن عمي بكم العباه
اللي قرا حرف يحسب نفسه العالمه


نواف البذالي

الرجل لا قال له قول لابد ايحماه
والحسنه اللي تبيها عندنا والمه

اشوف راع الذلول اليوم يومي عصاه
ومسيلمه ياعلي ماعنده مسالمه

علي الرويعي

لا قلت علمن يجيك المر زايد حلاه
والكلمه الطيبه طابت وهي دايمه

امسيلمه كاذبن لاعاد تمشي معاه
خله لحاله مع ربعه وهي هايمه


نواف البذالي

السم مابه عسل واللي يدور لقاه
ياليت نفسك عن اللي قلت ذا صايمه

مانيب سامع لكل من يبيّج خفاه
يمكن تدور السنه ماهيب متقاسمه


علي الرويعي

نواف ضايق من الايام والا ازملاه
ونفسي عن الهزل يانواف هي شايمه

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحة الشاعر / نواف محمد البذالي

مُساهمة من طرف مطرالطرقي في الإثنين فبراير 15, 2016 8:50 am

نواف

ياسلامي على اهل الوفا بالوفا نبتدي بالسلام
من هجوسن تغني واغني بها مرتن ثانيه

الهويدي معانا وجوه صفا زان بدع الكلام
ليلتن يرقد وليل يسريبها مرتن ثانيه

قنيص

مرحبا ي المسلم ولا من خفا بس حسب النظام
حجتك كيف جتنا ما ندري بها مرة " ثانيه

انت ليتك مولع عسى ما طفاء // دون هضبت سنام
يوم رحت لخوالك تهليلها // مرتً ثانيه

نواف

البقى وانت رجال ماقد هفا من خوال وعمام
تكرم اليا لفو لك مناديبها مرتن ثانيه

انت لو تختفي شايفك متخفا لو غشاك الظلام
منت يالماجدي من معازيبها مرتن ثانيه

قنيص

انت وقتك ربيعي وكنه دفا // ماعليكم ملام
وكل للحيه تحشم بشانيبها /مرتً ثانيه

الهويدي تري وجهه ماهو قفا/ مير هيا الامام
كلمتك يابن بذال ماليبها / مرت ثانيه

نواف

انت تخطي ومنا يجيك العفا لو رميت السهام
شيب عينك ولحيتك من شيبها مرتن ثانيه

لو تفيد الملامه وكلمة افا بالرجال الكرام
مارفعنا عليهم مشاعيبها مرتن ثانيه

قنيص

انت مسعف وكنك تبي تسعفا/ وانت حالم حلام
رتب لكلمتك كيف ترتيبها / مرت ثانيه

لوتفيدالسوالف نقول اكتفا /مير ربعه نيام
ابن بذال ينطح مصاعيبها / مرت ثانيه

نواف

منت شافي ولو قلت حالي شفا مابجسمي سقام
طيبه طيبه قول ياطيبها مرتن ثانيه

بالحفاوه لزومن لها يحتفا قبل مسك الختام
وابن بذال يارجل ضاريبها مرتن ثانيه

قنيص

ياالله اللي علينا بستره ضفا / ياولي الانام
تستر الحال وتعز اصاحيبها / مرتً ثانيه

صحت اللالسسسسسن

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحة الشاعر / نواف محمد البذالي

مُساهمة من طرف مطرالطرقي في الإثنين فبراير 22, 2016 2:51 am

نواف البذالي

ياسلام الله سلامن من هجوسن مستعده
مستعده بالملاقا يالهويدي لك تنادي

شد حيلك وانت شاعر غير وافي مايشده
واعرف الرحله طويله ياعريبين الجدادي


قنيص الهويدي

مرحبا ترحيبتن بالطيب دايم مستمده
مستمد للرجال اهل الوفاءواهل المبادي

ابشر ابشر واعرف ان العلم جايك من مرده
وانت يانواف خلك حذرلاجاك الهجادي


نواف البذالي

البقى بالشاعر اللي ماخبرنا باح سده
مير يزعل للبياض ان كان خالطه السوادي

لا توصي من يؤدي واجبه والواجب اده
اطحن الاوثان واللي ماعبد رب العبادي

قنيص

والله ان العب مع نواف هذا اللي نوده
شاعراً يعرف هدو الجو كان الجو هادي

انت حراً ماتوصي عارفً دربه وحده
واترك اللي تايهً له عندنا شي انفرادي

نواف

انت مدحك مثل بحرن بين جزر وبين مده
ولا يغر ابن خميّس لو تذيعه بالروادي

ماعليك ولا علينا من خيولن مستهده
مالكدها مثل سالم زيرها ولا ابن هادي

قنيص

لاتجزيك الروابع شوفنا بك مانلده
شوفنا للي مقابل بين حضراومن بوادي

مادخلني شك يانواف من يقرض ابده
يستريح ولايعاند من تعلوا فاالشدادي

نواف

الهويدي سمح مقبل بس لا بيّن مصده
والله انه مايشابه غير صدات الخدادي

دامك انت اللي مصرح واللباس اللي يقده
وانت ذيبن والذيابه مانهشت فيها الايادي

قنيص

الهويدي سمح في حاله وحاله ماترده
كان شفنا طاغياً ياشيخ من ضمن العبادي

الغبي يابن خميس يحسبن محداً بنده
مادرى انه مختلف عندالعرب زول الربادي

نواف

شايب الرحمن لوي ناوين لاقصاه احده
كان شفتك بالبراحه تفضخ عيون الجرادي

وش علي قنيص قرطع من ملوحة بحر جده
يوم عيّد وقتن اقشر وقت مافيه العيادي

قنيص الهويدي

ياحلو قول الشباب اللي بعدماباح سده
والهويدي ماعليه اخلاف ياراع المبادي

صحت اللالسسن

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

رد: صفحة الشاعر / نواف محمد البذالي

مُساهمة من طرف مطرالطرقي في الأربعاء ديسمبر 07, 2016 9:48 am

نواف البذالي

انتهى طاروق والمعنا بطاروق ً جديد
من هواجيس الذي لا قال كلمه قدها

دربنا قدام والهقوات والنظره بعيد
وللقريبه والقريب نظرتي مالدها

مطر ال طرقي

انتهي الطاروق الاول وانت من حظي تزيد
مادريت ان العوارف ما تبيح سدها

والله انا مانلومكـ كان ضديت البعيد
والقريب راس مالك كلمتي ياجدها

نواف البذالي

لو تموت بسيف حوثي منت يالطرقي شهيد
مير دوك من العلوم اللي نقول وودها

الطعن لذياب غانم واشتهر بالصيت زيد
والحقيقه يالزناتي حربتك ما احدها

مطر ابن طرقي

وقفتي فالعز ساعه تشملكـ قــولي وكيد
والسيوف اللي مثالـــي شاطره لاتهــــــدها

من حكالك يالغليم صرت له عبد ٍ مجيد
هد روعكـ يالمسمى والصعايب هـــــدهـــــا

نواف البذالي

من يهد بسيف ً اثلم خبل وقليبه بليد
منت في يمناي والقومان بك ماردها

لو تصبر كان تعرف وش نقول وش نريد
عادتك يابا العوايد في ردودك سردها

مطر ال طرقي

الجزيره تشعب العربان خبث ولا تفيد
والملفق مارفع صيت العرب لو ودها

انتنقى من حلالك لاتهد ولا تعيد
القبيله ضمتكـ وردكـ ماوالم وردها

نواف البذالي

في مصر غنت فريده ف الحساء صفق فريد
والقصيده يابن طرقي تنجرح من عدها

صح الله لسسسانكـ

مطرالطرقي
مؤسس منتدى ومجالس ديوان الطرقي

عدد المساهمات : 862
تاريخ التسجيل : 21/07/2013
العمر : 39
الموقع : ا لمملكه ا لعربيه ا لسعوديه

http://wwwm.allgoo.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى